忍者ブログ

陸寄居蟹網絡日誌オカヤドカリブログ

明星寵物——郭秀雲養蟹變專家 自我摸索10年

大閘蟹、黃油蟹就食得多,有冇諗過飼養寄居蟹呢!名媛郭秀雲(Sharon)10年前開始學養寄居蟹,更試過請教蟹科教授,不過最終能成功之道都是靠自己摸索和結合失敗經驗:「我都死過好多隻蟹。」她才變成今日的專家。

講到養寵物,郭秀雲坦言除了蟑螂之外,對任何生物都有興趣,所以貓、狗固然有養,還有鸚鵡和變色龍添。有次她去沙灘玩,見到沙灘上的蟹色澤鮮明,有些更像老虎仔,令她萌生養蟹的念頭,更由最初的1至2隻,養到今時今日,已有6隻在家中。


當時的郭秀雲屬養蟹新手,所以最初買蟹回家飼養時,都有請教寵物店老闆,只是個個都一知半解,她歎謂:「佢哋只係做生意,未必有咁多資料可以畀到我,於是我打電話去問啲蟹科教授,但佢哋只係想跟佢嗰套方法做。」於是她唯有靠自己,結果養死過好多隻才能成功,現時養得最耐的一隻已有8歲。當她帶呢隻蟹重返寵物店時,老闆都驚訝手指公咁大的寄居蟹,竟可養到拳頭咁大。

寵物店一知半解

郭秀雲的貼士是,養蟹要選擇人工繁殖的寄居蟹,因為有人養開的較易打理。將寄居蟹帶回家後,飼養蟹的魚缸,要放5至6吋深的沙,方便寄居蟹「抓」窿,還要裝置太陽燈,助牠吸收陽光。由於寄居蟹居住於亞熱帶地區,所以到冬天時,魚缸底下要放暖墊幫牠們保暖。平時給牠們吃魚肉和生果,尤其是椰子,還有磨成粉的魷魚骨。

郭秀雲表示買隻蟹唔貴,但其他配套可能貴過一隻蟹;而且養多過一隻就要分開養,否則可能鑄成大錯。「最初我諗住一次過養3、4隻,等有朋友有個伴,點知有次有隻蟹脫殼,啲朋友嚟食咗佢。」所以郭秀雲呼籲養之前一定要諗清楚,但如果能夠養到牠們健健康康、長命百歲,就會有很大的成功感。

蟹的冷知識

香港人光顧日本餐廳,其中一道最愛點的菜就是「軟殼蟹」。但原來在眾多蟹的品種中,並沒有軟殼蟹。郭秀雲表示當有店主訂了蟹,養蟹場會將指定數量的蟹,剪了牠們的「鉗」和前面四隻腳,留番最後兩隻腳助牠們爬行和進食。待個多星期後,「鉗」和「腳」再生出來時,未變番硬時便是「軟殼蟹」了。


※郭秀雲探索十年,終成養蟹專家。



※Sharon由蟹仔細細養到拳頭咁大。
PR

COMMENT

NAME
TITLE
MAIL(非公開)
URL
EMOJI
Vodafone絵文字 i-mode絵文字 Ezweb絵文字
COMMENT
PASS(コメント編集に必須です)
SECRET
管理人のみ閲覧できます

最新COMMENT

[07/06 Tony]
[07/06 Momoko]
[07/08 手语]
[05/30 手语]
[05/29 Tony]

SEARCH CONTENT

忍者COUNTER

Copyright ©  -- 陸寄居蟹網絡日誌オカヤドカリブログ --  All Rights Reserved
Design by CriCri / Photo by Geralt / powered by NINJA TOOLS / 忍者ブログ / [PR]